لاہور۔ 07 ستمبر (اے پی پی) وزیراعظم نا خصوصی کمکار عطاتارڑ پارینے کہ نن نوکاپ زہمی تا کمک ءِ کننگ اُن وخت اس کہ پی ٹی آئی والاک سیاست کننگ ءُ، پی ٹی آئی نا راہشون پیسہ ہلسا حساس ادارہ غاتا برخلاف بیان بازی کننگ اٹی ءِ، ہراادارہ ملکی دفاع نا خاطر جان تے ندر کننگ ءِ و نوکاپ زہمی تا کمک کن تینا زمواری تے پورو کننگ ءِ، پی ٹی آئی اوفتا برخلاف گندی سیاست کننگ ءِ، پی ٹی آئی دُز آتا ٹولی ءِ ہرافک چار سال اسکان ملک ءِ بھاز بے دڑدی اٹ لُٹار۔ داخیا ل آتا درشانی ءِ او چارشنبے نادے آ داڑے میڈیا تون گپ وتران کرسا کرے۔ عطاتارڑ پارے کہ نن نوکاپ زہمی تا کمک ءِ کننگ اُن وخت اس کہ پی ٹی آئی والاک سیاست کننگ ءُ، اوفتے بیرہ تینا توشہ خانہ و فارن فنڈنگ اٹی کروک آ کرپشن ءِ ڈکھنگ نا فکر ءِ۔ اوپارے کہ پی ٹی آئی نا بے حسی داحد اسکان ودانے کہ داوخت آ قدرتی آفت اٹی ہم تینا سیاست ءِ چمکائفنگ نا کوشست کننگ ءِ۔ اوپارے کہ پی ٹی آئی نا اسہ ہم راہشون اس زہمی تا کمک کن پیشن پیش تمیتنے۔ نن نوکاپ زہمی تا مشکل آتے چٹفنگ کن دے و نن کاریم کننگ اُن وخت اس کہ دافک سیاست سیاست کننگ ءُ۔
