اقوام متحدہ۔ 07 ستمبر (اے پی پی) اقوام متحدہ ناسیکرٹری جنرل انتونیوگوتریش پارینے کہ او تینا دورہ پاکستان اٹی جہانی برادری آن پاکستان کن بھلو کچ اسے آ امداد نا خواست کیک۔ چینی خبررساں ادارہ نا رداٹ اقوام متحدہ نا ہیڈکوارٹر نیویارک اٹی صحافی تتون گپ وتران کرسا اوپارے کہ پاکستان نا اسہ تہائی بشخ اس نوکاپ آن زہمی ءِ و او پاکستانی الس تون یکجہتی نا درشانی ءِ کننگ و جہانی برادری آن بھلو کچ اسے آ کمک نا خواست کننگ کن پاکستان آ ہِننگ ءِ انتئے کہ داوخت آ پاکستان ءِ جہانی برادری نا کنڈآن پبی امداد نا گرج ءِ۔ اوپارے کہ او جہانی برادری آن پاکستان نا نوکاپ آن زہمی بندغ آتیکن دمدستی امداد نا خواست کننگ ءِ۔ اوپارے کہ داوخت آ یوکرین جنگ آ زیات چکار کننگ انگ ءِ انتئے کہ مخلوق گیرام کرینے اسل جنگ تو موسمیاتی بدلی تون مون تننگ نا ءِ۔ اوپارے کہ پاکستان ، چاڈ، و قرن آفریقہ ، ہراڑے خشک سالی قحط نا سوب جوڑ مننگ ءِ ہموڑے دا وخت آ غٹ آن بھلا خطرہ ہراڑتون مون تننگ نا گرج ءِ وا و موسمیاتی بدلی نا ثرءِ۔ اوپارے کہ ہراحالیت اینو پاکستان ءِ مون تروک ءِ پگہ پین ملک اسے ہم داڑآن ہم مشکل حالیت آتون مون تروئی مننگ کیک۔ اوپارے کہ موسمیاتی بدلی دا دور انا غٹ آن اہم ویل ءِ و دادے لس ویل اس تکسا لس وڑاٹ ایسر کننگ نا سوچ بیرہ خودکشی اس مریک۔
