اسلام آباد۔6ستمبر (اے پی پی): مزن وزیر محمد شہباز شریف ءَ گوشتگ کہ کدرتی ھور ءُ ھار ءِ تاوان آں چہ رکھگ ءِ واستہ توامیں حکومت ءُ ادارگ آناں یکجائی گامگیج کنگ لوٹ ائیت۔ سیلاپ ءُ ھور ءَ چہ آماچیں مردم آنی واستہ سرجمیں دگنیا ءَ چہ کمک کنگ ءِ پد ءَ شگر ءُ منت واری گراں، بنجاھ ءِ تہ ءَ آماچیں ھمک گس ءَ را 25 ہزار کلدار ءِ بھر ءُ بانگ ءِ واتہ زر 70 ارب ءَ تاں ودینگ بوتگ، سوات ءِ دمگ ءَ بوھوکیں تاوان، ”مین میڈ“ انت۔ کاش کہ شپ روچ لیکچر دیوک اے تباہی ءِ گیواری ءِ در بہ کُتیں، اے سیاست نہ اِنت اے ازمت ءِ وھگ انت، سیلاپ ءَ چہ بوھوکیں تاوان آنی راستی دگنیا ءِ تہءَ تاں سر کنگ ءِ واستہ میاں اوستمانی ءُ ھندی میڈیا ءُ بنجاھی وزیر مریم اورنگزیب ءُ شیری رحمن ءِ جوانیں کرد ءِ است انت ایشی ءِ پد ءَ آئی ءِ شگر ءُ منت واری گراں۔ سئے شمبے ءَ بنجاھی کابینہ ءِ دیوان ءَ گوں گشتانک دیان ءَ مزن وزیر ءَ گوشت کہ بنجاھی حکومت آماچیں گس آناں بے نظیر انکم سپورٹ پروگرام ءِ ھساب ءُ داد ءُ این ڈی ایم اے وسیلگ ءَ 70 ارب کلدار بھر ءُ بانگ کنگ ءَ انت۔ صوبہ سندھ ءِ واستہ 15 ارب کلدار، بلوچستان ءُ خیبر پختونخوا ءِ واستہ 10، 10 ارب کلدار ءُ گلگت بلتستان ءِ واستہ سئے ارب کلدار ءَ ایشی ابید انت۔ مزن وزیر ءَ گوشت کہ سیلاپ ءَ چہ بیران بوھوکیں مردم آنی سیاد ءُ وارس آناں دھ لکھ کلدار ھمک مردم بھر ءُ بانگ کنگ بوھگ ءَ انت۔ ایشی ءِ واتہ این ڈی ایم ا ے ءَ را پنچ ارب کلدار دیگ بوتگ وھدیکہ گیش سئے ارب کدار دیگ بوھگ ءَ انت۔ مزن وزیر ءَ گوشت کہ سیلاپ ءِ تباہی آں چہ گوستگیں یک ہپتگے ءَ میاں اوستمانی برات آناں سرپدی ءَ چہ پد نوں میاں اوستمانی برات آنی نیمگ ءَ ھم کمکی سامان رسگ ءَ انت، اے سرپدی ءَ وزیر ءِ اھوالکاری ءُ شنگ کاری مریم اورنگزیب ءُ وزیر ءِ موسمی مٹ ءُ بدلی شیری رحمن ءِ ٹوھیں کرد ءِ است انت۔ ایشی ءَ چہ میاں اوستمانی برات آناں آماچیں مردم آنی مشکل ءُ جیڈھ آناں پھمگ ءَ آسانی بوتگ، متحدہ عرب امارات ءَ چہ 50 ملین ڈالر ءِ کمکی سامان پجگ ءَ بندات بوتگ۔ چین ءَ چہ 400 ملین آر ایم بی گیشیں کمک ءِ جار جتگ۔ ایشی ءَ ابید سعودی عرب، ترکیہ، اردن ءَ ھوار ایندگر ملک آنی تہءَ کمکی سامان پیداک انت۔ امریکہ ءَ 31 ملین ڈالر وھدیکہ پرنس کریم آغا ءِ زھگ ءَ 10 ملین ڈالر کیش ءِ جار جتگ۔ ایندگر ملک ھم یک یک ءَ وتی وتی بھر ءَ مان کنگ ءَ انت۔
