اسلام آباد۔ 06 ستمبر (اے پی پی) وزیراعظم محمد شہباز شریف پارینے کہ قوم اینو یوم دفاع پاکستان نا وخت آ تینا شہید و غازی تے سلام عقیدت پیش کیک ہرافک بھارتی جارحیت نا برخلاف لمہ وطن نا رکھ اکن تینا جون تے ندر کریر، اینو اسہ وار ولدا نوکاپ زہمی تا کمک کن ہموجوزہ نا گرج ءِ۔ سے شنبے نادے آ تینا ٹویٹ اٹی اوپارے کہ سلہہ بند فوج و قوم یکجا مرسا تینا جغرافیائی سالمیت نا برخلاف بھارتی جنگی گنوکی ءِ مش تا کریر۔ اوپارے کہ تاریخی نوکاپ نا بھسکاری و ایلو ویل آتون مون ترسا ننے اینو 1965 نا جوزہ نا گرج ءِ۔ قوم انا سیوت ہی ننا غٹ آن بھلا طاقت ءِ۔ سلہہ بند فوج و الس نا سیوت نا رشتہ ءِ پِرغنگ نا ارادہ کروک آ پاکستان نا سنگت مننگ کپک۔ وزیراعظم پارے کہ ببو قوم انا سیوت نا دا رشتہ ءِ سوگو کین۔
