اسلام آباد۔ 06 ستمبر (اے پی پی) وزیراعظم شہباز شریف نا خصوصی پارت آ نوکاپ زدہ علاقہ غاتیٹی بجلی نا بحالی نا کاریم ہلہلہ ئی بنداو تیا برجاءِ، مٹہ سوات ٹرانسمیشن لائن نا نوکاپ آن تموک آ 2 ٹاور ءِ دُوارہ فعال کننگانے، پشاور الیکٹرک سپلائی کمپنی نا 132 کے وی مٹہ گریڈ اسٹیشن فعال مننگ آن سوات نا اسہ بھلو بشخ اسے بجلی نا سپلائی بحال کننگانے۔ ٹرائبل ایریاز الیکٹرک سپلائی کمپنی ٹانک جنڈولہ سپلائی لائن ءِ بحال کرینے۔ سے شنبے نادے آ وزیراعظم آفس نا میڈیا ونگ آن جاری بیان نا رداٹ تیمرگرہ باجوڑ لائن تا بحال مننگ آن پد منڈاو باجوڑ گریڈ آن بجلی نا فراوانی بناکرینے۔ مدین گریڈ اسٹیشن آ بحالی نا کاریم برجاءِ۔ 66 کے وی نا گڑھی خیرو گریڈ اسٹیشن فعال مننگ آن جیکب آباد نا بھلو بشخ اسے بجلی نا فراوانی بحال مسنے۔ وزیراعظم شہباز شریف بجلی نا سپلائی نا بحالی نا عمل ءِ تینٹ مانیٹر کننگ ءِ، دا بابت اودے ہڑدے ئی بنداو آ رپورٹ پیش کننگ انگ ءِ۔
