یوم دفاع ننا عسکری تاریخ نا اہم ءُ دے اس، سلہہ بند فوج دشمن نا نرزوری اٹ مقابلہ ءِ کرسا اونا ناکاپ عزم ءِ مِش تا کرے، قائم مقام گورنر سندھ آغا سراج درانی

کراچی۔ 06 ستمبر (اے پی پی) قائم مقام گورنر سندھ آغا سراج درانی پارینے کہ 6 ستمبر ننا عسکری تاریخ نا اہم انگا و شہید آتون قول انا پوسکنی نادے ءِ، دادے آ سلہہ بند فوج قوم اتون اواری اٹ دشمن نا نرزوری اٹ مقابلہ ءِ کرے و اونا غٹ ناپاک عزم آتے مش تا کرے، آغا سراج درانی پارے کہ پاکستانی قوم وسیلہ غاتا گنج اس مفننگ آن پد ہم جوزہ شہادت اٹ دشمن تے شکست تسر۔ اوپارے کہ پاکستانی قوم تینا آجوئی و وتواجہی نا پبی دفاع ءِ کرسا تاریخ اس نوشتہ کرے،  قوم تینا سلہہ بند فوج اتون ہم شاندار یکجہتی نا درشانی ءِ کرے۔ اوپارے کہ اینو نادے نن کشمیری ایلم تتون ہم یکجہتی نا درشانی ءِ کینہ، بھاز زوت کشمیری ایلمک ہم آجو فضاء ٹی ساہ ہلیرہ۔ آغا سراج درانی پارے کہ نوکاپ مچ آ ملک اٹی بھسکاری کرینے، زہمی تا کمک کن قوم انا جوزہ ستاکڑزک۔