اسلام آباد۔ 06 ستمبر (اے پی پی) بنجائی وزیر آبی وسیلہ سید خورشید احمد شاہ پارینے کہ یوم دفاع و شہداآ لمہ وطن نا گلزادہ غاتے خراج عقیدت پیش کینہ، عمران خان نا ادارہ غاتیا جلہو گیر مننگ است ہسونی و مذمت نا قابل ءِ۔ سے شنبے نادے آ وزارت نا کنڈآن جاری بیان نا رداٹ سید خورشید احمد شاہ پارے کہ یوم دفاع و شہداآ لمہ وطن نا گلزادہ غاتے خراج عقیدت پیش کینہ، اسہ کنڈآ قوم یوم دفاع و شہدااڈتننگ ءِ وخت اس کہ ایلو کنڈآ اسہ بندغ اس ادارہ غاتیا جلہو گیر ءِ۔ اوپارے کہ عمران خان نا ادارہ غاتیا جلہو گیر مننگ است ہسونی و مذمت نا قابل ءِ، بیرہ تینا حکومت نا چٹنگ آ دا بندغ ملک و فوج ءِ نزور کننگ اٹ لگوک ءِ۔ اونا پاننگ ئس کہ ہیل کروئی ءِ تو پیپلزپارٹی آن ہیل کہ ہراجان تس ولے صبر اٹ سیاسی جہد ءِ برجاتخا، پیپلزپارٹی وخت اس کہ باندات اسے جندی جنگ اٹ بدل کتو و ادارہ ءِ نزور مننگ کن اِلیتو۔ خورشید شاہ پارے کہ عمران خان و اونا حواریک بھاز بھلو ردینک اس کننگ اٹی ءُ، داڑآن بیرہ پاکستان نا دشمن خوش مننگ ءِ۔ اونا پاننگ ئس کہ دارویہ ءِ اِلنگتو تو ولدا حکومت ادارہ غاتا بے توقیری ءِ توننگ آ بیوس مریک۔
