اینٹی نارکوٹکس فورس پیشن نا ملک منشیات اسمگلنگ نا کوست ءِ بے سہب کرے،اِرا دوبہ دار دزگیر

راولپنڈی۔ 06 ستمبر (اے پی پی) اینٹی نارکوٹکس فورس پیشن نا ملک منشیات اسمگلنگ نا کوشست ءِ بے سہب کرسا 2 دوبہ دارءِ دزگیر کرے۔ اے این ایف ہیڈ کوارٹر راولپنڈی آن جاری بیان نا رداٹ اے این ایف سے شنبے نادے آ اسلام آباد انٹرنیشنل بالی پٹ  و باچہ خان انٹرنیشنل بالی پٹ آ کارروائی کرسا 2 دوبہ دار آن منشیات دوئی کرے۔ ترجمان نا رداٹ اسلام آباد اٹی مسافر نا ٹرالی بیگ آن 1.194 کلو گرام ہیرون و 442 گرام آئس دوئی کننگا۔ صوابی نا ہنکینی دوبہ دار جہانی جہا ز انا کمک اٹ دوحہ غا ہناکہ۔ پشاور اٹی ارٹ میکو کارروائی ٹی دوبہ دار نا ٹرالی بیگ اٹ چاہنداری اٹ اودیم 2 کلو 40 گرام آئس دوئی کننگا۔ پشاور نا ہنکینی دوبہ دار جہانی جہاز اٹ دبئی آ ہناکہ۔ ہڑتوم آ دوبہ دار آتے دزگیر کرسا انسداد منشیات ایکٹ نا رداٹ مقدمہ نوشتہ کرسا جاست وپاست نا بناءِ کننگانے۔