کوئٹہ۔ 06 ستمبر (اے پی پی) قائم مقام گورنر بلوچستان میر جان محمد جمالی پارینے کہ پاکستان نا تاریخ اٹی 6 ستمبر نادے بھاز اہمیت تخک اینو پاکستان غٹ مسلم ملک آتیٹی اسٹ انگا ایٹمی واک ءِ و مست انا مقابلہ ٹی زیات واکدار و دفاع ناقابل تسخیر ءِ۔ داخیال آتا درشانی ءِ او سے شنبے نادے آ جاری کروک بیان اٹی کرے ۔ قائم مقام گورنر بلوچستان میر جان محمد جمالی پارے کہ اینو ہم ہر وڑنا نا خطرہ غاتون مون تننگ کن ننا عزم سوگو و مستحکم ءِ اینو آن 57 سال مست 6 ستمبر 1965 ء نا دے ننا نرزور و جیرت مند سلہہ بند فوج تینے آن کیہی گنا واکدار دشمن نا جارحیت نا پبی ورندی ءِ ترسا وطن عزیز نا پورو سرسہبی اتون دفاع ءِ کرسا دا اریخ ءِ نوشتہ کریسس۔ داہمودے ءِ ہراتم ننا فوج جوانمردی، جیرت و نرزوری نا عظیم الشان درشانی ءِکرسا دشمن نا ناپاک ارادہ غاتے مش تا کرے و لمہ وطن نا دفاع کن سوگو ءُ دیوال اس جوڑ مس۔ اوپارے کہ نئے بیرہ ننا سلہہ بند فوج بلکن مچ آ قوم یکجا مرسا داپک کرینے کہ سیوت، اتفاق و ایمان نا واک انا مون آ سلہہ یا کچ انا گیشتری ہچ ءُ معنی اس تخپک۔ قائم مقام گورنر بلوچستان داہیت آ زور شاغا کہ اینو نادے نن دا قول ءِ بایدے پوسکن کین کہ نن تینا عظیم شہید آتا قربانی تے زیان مننگ کن اِلیپنہ و تینا ہنین آ وطن نا رکھ، سالمیت و دفاع کن ہندا جوزہ و عزم ءِ مدام برجاتخنہ ، قائم مقام گورنر بلوچستان دعا کرے کہ اللہ تعالیٰ ننا ملک و قوم ءِ تینا حفظ و امان اٹ تخے۔
