اسلام آباد۔ 06 ستمبر (اے پی پی) فیڈرل بورڈ آف ریونیو (ایف بی آر) پارینے کہ نوکاپ زدگان تا امداد کن خور انا گڑا و کمکی گڑاتیا سیلز خراج ءِ اِلنگانے۔ سے شنبے نادے آ داڑے جاری بیان اٹی ایف بی آر نا ترجمان پارے کہ ایف بی آر ءِ نوکاپ زدگان تا امداد کن گڑاتیا خراج اِلنگ نا بابت بھاز انگا سوج دوئی مننگ ءِ۔ ترجمان وضاحت کرینے کہ نوکاپ زدگان تیکن ہندی و درآمد مروک گڑاو خور آ سیلز خراج ءِ پورو اِلنگانے ولے داڑکن این ڈی ایم اے و پی ڈی ایم اے نا پک کننگ المی ءِ۔ ترجمان مستی وضاحت کرینے کہ سیلز خراج نا اِلنگ 30 اگست 2022 آن ہلیس 90 نا مد اکن ءِ۔
