قمبر شہداد کوٹ۔ 05 ستمبر (اے پی پی) وزیراعظم شہباز شریف دوشنبے نادے آ قمبر شہداد کوٹ نا نوکاپ زہمی تیکن جوڑ کروک آ کیمپ انا دورہ ءِ کرے۔ وزیراعظم نوکاپ زہمی تتون اوڑدہی کن اوفتا جاگہ غاتیا ہنا و چنا و زالبول آتون اوار نوکاپ زہمی تیان اوفتا حال و احوال نا اَریفے۔ اوفتے تسلی تس و اوفتے کن حکومتی ادارہ غاتا کنڈآن کروک آ بست وبند ، دوائی …
وزیراعظم شہباز شریف قمبر شہداد کوٹ نا نوکاپ زہمی تیکن جوڑ کیمپ انا دورہ ءِ کرے
گیشتریں ھال
قمبر شہداد کوٹ۔ 05 ستمبر (اے پی پی) وزیراعظم شہباز شریف دوشنبے نادے آ قمبر شہداد کوٹ نا نوکاپ زہمی تیکن جوڑ کروک آ کیمپ انا دورہ ءِ کرے۔ وزیراعظم نوکاپ زہمی تتون اوڑدہی کن اوفتا جاگہ غاتیا ہنا و چنا و زالبول آتون اوار نوکاپ زہمی تیان اوفتا حال و احوال نا اَریفے۔ اوفتے تسلی تس و اوفتے کن حکومتی ادارہ غاتا کنڈآن کروک آ بست وبند ، دوائی و خور انا فراوانی نا جاچ ءِ ہلک۔ وزیراعظم زہمی تیان اوفتا گرج و مشکل آتا بارواٹی ہم معلومداری دوئی کرے۔ وزیراعظم پارے کہ زہمی تیکن تمبو تا کمتی ءِ۔ حکومت 7 لکھ تمبو تا آرڈر تسنے تانکہ زہمی تے اوفتا اُراتا تفنگ و بحالی اسکان ہنکین دوئی بننگ کے۔ وزیراعظم ءِ پاکستان نیوی تون اوار چندی ادارہ غاک نوکاپ زہمی تیکن کروک آ کمکی سرجز، ریلیف و بحالی آ حوال تسر۔
