نوکاپ زہمی تے طبی آسراتی تا فراوانی کن غٹ تر المی گام گیج آتے پک کننگ اُن، عبدالقادر پٹیل

اسلام آباد۔ 05 ستمبر (اے پی پی) بنجائی وزیر جان جوڑی عبدالقادر پٹیل پارینے کہ نوکاپ زہمی تے طبی آسراتی تا فراوانی کن غٹ تر المی گام گیج آتے پک کننگ اُن، بلوچستان و سندھ اٹی ہیلتھ کیمپ  اڈتننگانے۔ دوشنبےنادے آ وزارت جان جوڑی نا کنڈآن جاری بیان اٹی اوپارے کہ نوکاپ نا ہلہلہ ئی حالیت آتیٹی ہیلتھ کیمپس آن مخلوق ءِ ریلیف ملک۔ اوپارے کہ لسبیلا تون اوار بلوچستان و سندھ انا چندی ضلع غاتیٹی ہیلتھ کیمپس کاریم نا بناءِ کرینے۔ اوپارے کہ سندھ انا ہفت ضلع قمبر، شہداد کوٹ، دادو، نوشہرہ فیروز، متیری، سانگھڑ و بدین اٹی ہم ہیلتھ کیمپس اڈتننگانے۔ اوپارے کہ ہیلتھ کیمپ آتیٹی دوائی تتون اوار فری جان جوڑی آسراتی فراوان کننگ انگ ءِ۔ اوپارے کہ نوکاپ زہمی تے طبی آسراتی تا فراوانی کن غٹ تر المی گام گیج آتے پک کننگ انگ ءِ۔ اوپارے کہ سندھ و بلوچستان اٹی نوکاپ نا نتیجہ ٹی بھاز بھسکاری مسنے ، نن ڈکھیائی و مصیبت نا ساہت اٹی الس تون ہم کوپہ سلوک اُن۔