اسلام آباد۔ 05 ستمبر (اے پی پی) پاک فضائیہ نا خیبرپختونخوا، سندھ ، بلوچستان و سویلی پنجاب نا نوکاپ نا زہمی تا بحالی و ریسکیو کن ڈیزاسٹر ریلیف آپریشن و کمکی کارروائیک برجاءُ۔ ایئر ہیڈکوارٹرز، اسلام آباد اٹی جوڑ کروک نیشنل آئی ایس آر اینڈ انٹیگریٹڈ ایئر آپریشنز سینٹر (این آئی آئی اے او سی) غٹ اسٹیک ہولڈر آتون پورو ہم گرنچی اتون دے ونن نوکاپ نا زہمی تا امداد و بحالی نا عمل اٹی کمک کننگ ءِ۔ ہندا سینٹر زہمی تا بحالی کن سول انتظامیہ ءِ ہرممکن کمک ہم فراوان کننگ ءِ۔ ترجمان پاک فضائیہ نا رداٹ پاک فضائیہ نا ہیلی کیپٹر فلیٹ دا علاقہ غاتیٹی زہمی بندغ آتے ریسکیو کننگ و المی گڑاتا سرکننگ اٹ لگوک ءِ ہرافتا ڈغاری رابطہ کشکنگانے ۔ پاک فضائیہ نوکاپ زدگان تا بحالی و امداد نا فراوانی کن ’’ پاکستان ایئر فورس فلڈ ریلیف فنڈ‘‘ اس ہم جوڑ کرینے۔ ۔ نوکاپ نا زہمی تیکن عطیہ الائیڈ بینک انا اکاؤنٹ نمبر PK85ABPA0010099183680023، عسکری بینک انا اکاؤنٹ نمبر PK96ASCM0003851650000097، بینک اسلامی نا اکاؤنٹ نمبر K38BKIP0310000096360001، وخت اس کہ حبیب بینک انا اکاؤنٹ نمبر PK09HABB0022997001211801 اٹی جمع کرفنگ مریک۔
