کوئٹہ۔ 05 ستمبر (اے پی پی) بلوچستان اسمبلی نا باسک میر سلیم خان کھوسہ پارینے کہ ایف سی 53 ونگ سوئی رائفلز نا کنڈآن نوکاپ زہمی تیکن ماڈل خیمہ بستی اس جوڑ کننگانے ہراٹی زہمی تے مسہ وخت انا کن و خور، چاہ و ساف دیر تننگ انگ ءِ۔ داخیال آتا درشانی ءِ او دوشنبے نادے آ میڈیا نا نمائندہ غاتون گپ وتران کرسا کرے۔ اوپارے کہ خیمہ بستی ٹی زہمی تیکن میڈیکل کیمپ و زہمی تا چناتیکن خیر دین کیمپ اٹی اسہ اسکول اس ہم جوڑ کننگانے۔ ایف سی نا کنڈآن دہ آن زیات ہند آتیا خیمہ بستی جوڑ کننگانے۔ اوپارے کہ ایف سی 53 ونگ انا ماڈل خیمہ بستی ٹی سولر بجلی ہم فراوان کننگ انگ ءِ ۔ میر سلیم خان کھوسہ پارے کہ نن نوکاپ نا زہمی تا وخت آ کمک آ چیف آف آرمی اسٹاف جنرل قمر جاوید باجوہ کور کمانڈر کوئٹہ آصف غفور باجوہ، بریگیڈر و کرنل ایف سی 53 ونگ سوئی رائفلز نا منت وار اُن۔
