اسلام آباد۔ 05 ستمبر (اے پی پی) پاکستان مسلم لیگ (ن) شعبہ زالبول اسلام آباد نا صدر فرح ناز اکبر پارینے کہ قومک مشکل حالیت آتا مقابلہ ءِ یکجا مرسا ہی کیرہ، نوکاپ آن تالان بھسکاری ہم ہندا خواست ءِ کیک کہ نن قوم اس جوڑ مرسا زہمی تا کمک ءِ کین۔ اسہ بیان اسے ٹی اوپارے کہ نوکاپ زدگان تا امداد و بحالی کن برجا بنجائی حکومت نا کوشست مستحسن ءِ ہراٹی نسخان تا پوروی و زہمی تے ریلیف نا فراوانی ٹی بھاز کمک ملنگ ءِ، راجی ادارہ غاک ہم دا جہد اٹی بنجائی حکومت تون تفر۔ فرح ناز اکبر پارے کہ نوکاپ نا بھسکاری تیان خیبر پختونخوا ، سویلی پنجاب، سندھ و بلوچستان تون اوار نیمہ غان زیات ملک زہمی مسنے، ساہدار، اُراک، ملکیت آتے دیر درینے، سخیک اُراتیان محروم زہمی تا است انا حب اٹ کمک ءِ کیر۔
