سکھر۔ 05 ستمبر (اے پی پی) وزیراعظم شہباز شریف قمبر شہداد کوٹ نا نوکاپ زدہ علاقہ غاتا فضائی جاچ ءِ ہلک وخت اس کہ اودے جہاز اٹی کمکی سرجزآتا بارواٹی حوال تننگا۔ دوشنبے نادے آ وزیراعظم شہباز شریف سندھ انا نوکاپ آن زہمی علاقہ قمبر شہداد کوٹ نا دورہ کن سکھر آ سرمس ہراڑے وزیر خارجہ بلاول بھٹو زرداری و وزیراعلیٰ سندھ سید مراد علی شاہ اودے بالی پٹ آ بخیر کریر اوکان پد وزیراعظم زہمی علاقہ غاتا فضائی جاچ ءِ ہلنگ کن روانہ مس۔ وزیر خارجہ بلاول بھٹو زرداری و وزیر اعلیٰ سندھ سید مراد علی شاہ جہاز اٹی اودے زہمی علاقہ غاتا حالیت و کمکی سرجزآتا بارواٹ حوال تسر۔
