اسلام آباد۔ 05 ستمبر (اے پی پی) وزیراعظم محمد شہباز شریف نا خصوصی پارت آ نوکاپ زدہ علاقہ غاتیٹی بجلی نا بحالی نا کاریم ہلہلہ ئی بنداو تیا برجاءِ۔ دادو۔خضدار ٹرانسمیشن لین ءِ بحال کننگانے، وزیراعظم بجلی نا سپلائی نا بحالی ءِ تینٹ مانیٹر کننگ اٹی ءِ، دابابت اودے ہڑدے ئی بنداو آ رپورٹ پیش کننگ انگ ءِ۔ وزیراعظم آفس نا میڈیا ونگ آن جاری بیان نا رداٹ نیشنل ٹرانسمیشن اینڈ ڈسپیچ کمپنی نا دادو۔خضدار ٹرانسمیشن لائن ءِ بحال کننگانے۔ دادو۔خضدار ٹرانسمیشن لائن نا بحالی آن نوکاپ آن زہمی نیامی بلوچستان نا اسہ بھلو بشخ اسے بجلی نا سپلائی بحال مسنے وخت اس کہ سبی آن کوئٹہ ٹرانسمیشن لائن، ہرانا 10 ٹاور نوکاپی دیر انا سوب آن تماسر۔ آ بحالی نا کاریم 10 ستمبر اسکان پورو مننگ نا اومیت ءِ۔ سبی آن مچھ ٹرانسمیشن لائن آ ہم بحالی نا کاریم برجاءِ۔ وزیراعظم محمد شہباز شریف نا خصوصی پارت آ نوکاپ زدہ علاقہ غاتے بجلی نا بحالی نا کاریم ہلہلہ بنداو تیا برجاءِ۔ وزیراعظم بجلی نا سپلائی نا بحالی ءِ تینٹ مانیٹر کننگ اٹی ءِ، دا بابت اودے ہڑدے ئی رپورٹ پیش کننگ انگ ءِ۔

متعلقہ مضامینمصنف کی طرف سے مزید