اسلام آباد۔ 05 ستمبر (اے پی پی) پاکستان نا نوکاپ نا زہمی تیکن اقوام متحدہ نا پناہ گزین تا ادارہ (یو این ایچ سی آر) نا کنڈآن انسانی امداد نا چار شیڈول جہاز آتیان اِرا جہاز دوشنبے نادے آ پاکستان آ سرمسر۔ دفترخارجہ نا رداٹ جناح انٹرنیشنل بالی پٹ کراچی آ دا جہاز آتے بخیر قونصل جنرل یو اے ای بخیت عتیق لرمیثی، یواین ایچ سی آر نا نمائندہ بابر بلوچ، وزیراعلیٰ سندھ نا سلاہکار ریلیف و بحالی رسول بخش چانڈیو و وزارت خزانہ ، این ڈی ایم اے و پی ڈی ایم اے نا نمائندہ غاک کریر۔ پاکستان نوکاپ زہمی تیکن یو این ایچ سی آر نا کنڈآن انسانی امداد نا ستاءِ کرسا ادارہ نا منت واری ءِ ہرفینے۔
