کوئٹہ۔ 05 ستمبر (اے پی پی) کمشنر سبی ڈویژن بالاچ عزیز و ڈپٹی کمشنر سبی منصور قاضی ئسک نمائش گراؤنڈ اٹی پاکستان گرلز گائیڈ نا کنڈآن فری میڈیکل کیمپ انا دورہ ءِ کریر۔ پاکستان گرلز نا گائیڈ نا خلوک آ فری میڈیکل کیمپ اٹی ہڑدے ئی بنداو آ نوکاپ زہمی تے ہرا چندی ناجوڑی تیٹی اختہ، ہرافتے ٹی ملیریا، اِڷ اتون اوار ایلو مرض آتیان رکھ تخنگ کن مفت دوائی ہم فراوان کننگ انگ ءِ۔ زالبول، بزرگ، چنکا چنکا و بھلاتا ہڑدے ئی نا بنداو آ چیک اپ کننگ انگ ءِ و چناتے بارُن ءُ پاڷ جوس و ایلو المی گڑا ہم فراوان کننگ انگ ءِ۔ کمشنر سبی ڈویژن بالاچ عزیز و ڈپٹی کمشنر سبی منصور احمد قاضی گرل گائیڈ نا دا گام گیج آتا ستاءِ کریر
