اسلام آباد۔4ستمبر (اے پی پی): حال ء ُ اھیوال کاری ءُ شنگکاری ءِ بنجاہی وزیر مریم اورنگزیب ءَ گشتگ کہ مزن وزیر محمد شہباز شریف ءِ کم بجلی کارمرز کنوکیں شہری آنی ھاترءَ جار جتگیں ریلیف ءِ سرءَ کار بندات بوتگ۔ یک شمبے ءِ روچءَ وتی یک ٹویٹ ءِ تہا حال ءُ اھیوال کاری ء ُ شنگکاری ءِ وزیر ءَ گشتگ کہ مزن وزیر محمد شہباز شریف ءِ حکم ءِ سرءَ فیول جارجز ایڈجسٹمنٹ ءِ ہوالگءَ نوٹیفکیشن جاری کنگ بوتگ۔ آئی ءَ گشتگ کہ مزن وزیر ءِ جار جتگیں ریلیف ءِ ردءَ 300 ءُ ایشیءَ چہ کم یونٹس بجلی کارمرز کنوکانی بل آنی تہ ءَ فیول چارج ایڈجسمنٹ گرگ نابنت۔ حال ءُ اھیوال کاری ءَ گشتگ کہ مزن وزیر ءِپنت ءُ شون ءِ پد نوکیں بل آنی ادا کنگ ءِکار بندات بوتگ ء ُ بل آنی ادا کنگ ءِ گڈی رمس ءِ تہا گیشی ہم کنگ بوتگ۔ آئی ءَ گشتگ کہ ہما شہری کہ بل ایش ادا کتگ آیانی دیم ءِ بل کم کنگ بیت ۔ حال ء ُ ایوال کاری ءِ وزیر ءَ وتی ٹویٹ ءِ گوما توانائی ءِ وزارت ءِ نیمگ ءَ چہ اے ہوالگ ءَ شنگ کتگیں نوٹیفکیشن ہم شیئر کتگ۔
