اسلام آباد۔4ستمبر (اے پی پی): مزن وزیر محمد شہباز شریف ءِ نیمگ ءَ چہ بجلی کار مرز کنوکانی ھاترءَ فیول چارچ ایڈجسمنٹ ءِ مد ءَ جار جتگیں ریلیف ءِ کار بندات بوتگ۔ توانائی ءِ وزارت ءَ اے ہوالگءَ نوٹیفکیشن جاری کتگ۔ مزن وزیر کارگس میڈیا ونگ ءِ ردءَ مزن وزیر محمد شہباز شریف ءِ پنت ء ُ شون ءِ سرءَ کم بجلی کارمرز کنوکاناں ریلیف ءِ سرکنگءِ ہوالگءَ توانائی ءِ وزارت ءِ نوٹیفیکشن جاری کنگ بوتگ اَنت۔ نوٹیفیکیشن ءِ رد ءَ 300 ء ُ ایشی ءَ چہ کم بجلی ءِ یونٹ کارمرز کنوکانی بجلی ءِ بل آنی تہا فیول چارج ایڈجسمنٹ گرگ نہ بیت۔ اگست ءِ ماہ ءَ بل آنی تہا فیول چارج ایڈجسمنٹ ءَ را ہوار کنگ بوتگ کہ مردماں زھرشانی کتگ۔ مز ن وزیر ءِ پنت ء ُ شون ءِ ردءَ نوکیں بل آنی ادا کنگ بندات کنگ بوتگ ، بل آنی ادا کنگءِ رمس ءَ را گیش کنگ بوتگ۔ اگاں ہما شہری کہ آیاں بل جم کتگ آیانی دیم ءِ ماہ ءِ بل کم کنگ بیت۔
