اسلام آباد۔3ستمبر (اے پی پی): سلاھ بندیں ارد آنی ترجمان میجر جنرل بابر افتخار ءَ گوشتگ کہ پاکستان ءِ فوج، رینجرز، ایف سی، این ڈی ایم اے ءُ ایندگر ادارگ آنی گوما یکجائی ءَ کار کنگ ءَ انت، پاکستان ائیر فورس ءِ نیمگ ءَ سیلاپ ءِ آماچیں مردم آناں وردن ءُ وراک ءُ بنیاتی ضلورت پجاری کنگ بوتگ ءُ پاکستا ن نیوری ءَ 10 ہزار سیلاپی آناں ریسکیو کتگ۔ جی ایچ کیو ءَ بوھوکیں 6 ستمبر ءِ مراگش مھتل دارگ بوتگ۔ شمبے ءِ روچ ءَ ادا پریس کانفرنس ءَ گوں گشتانک دیان ءَ ڈی جی آئی ایس پی آر میجر جنرل بابر افتخار ءَ گوشت کہ استیں ھور ءَ چہ پیداک بوھوکیں جیڈھ آنی بنگیج ءَ چہ پاکستان ءِ فوج وتی برات ءُ گہار آنی کمک ءِ واستہ آماچیں دمگ آنی تہ ءَ گوستگیں 2 ماہ ءَ چہ شپ ءُ روچ دزگٹ انت۔ پاکستان ءِ ھمک سپاہی ءُ اپسرگ ایشرا ڈیوٹی ءِ مٹ ءَ یک فرض ءِ پھمگ ءُ الس ءخِ جیڈھ آناں کم کنگ ءِ واستہ کوشست ءَ انت۔ ھمے آ جوزگ بوتگ ایشی ءِ چیر دستی ءَ گوستگیں ماہ لیفٹیننٹ جنرل سرفراز علی، میجر جنرل امجد حنیف، بریگیڈئیر محمد خالد، میجر سعید احمد، میجر محمد طلحہٰ منان ءُ نائیک مدثر فیاض بلوچستان ءِ دمگ لسبیلہ وندر ءَ سیلاپ ءِ آماچیں وتی گہار ءُ برات آنی کمک ءِ ساھت ءَ ہیلی کاپٹر ءِ وئیل ءَ شہید بوتگ اَنت۔ آئی ءَ گوشت کہ مدامیگیں رنگ ءَ اے سکیں ساھت ءَ الس ءِ کمک ءَ چہ ما اے اناگہئی ڈکال ءُ سیلاپ آسوگی دزگیر کناں۔
