اسلام آباد۔3ستمبر (اے پی پی): سیلاپ ءِ آماچیں مردم انی واستہ فرانس ءَ چہ کمکی سامان آناں زوران ءَ بالی جہاز اسلام آباد انٹرنیشنل ائیر پورٹ ءِ سر ءَ پج اتگ۔ بنجاھی وزیر برائے نیشنل ہیلتھ سروسز ءَ را آرڈینیشن عبدالقادر پٹیل ءَ فرانسیسی بالی جہاز ءِ کارندہ، انجینئرنگ ٹیمب ءُ آئی ءِ ھمبرا ءَآیوکیں فرانسیسی سفیر ءِ فرنچ زبان ءَ وش اتک کت۔ اے موہ ء ِ سر ءَ تران کنان ءَ آئی ءَ گوشت کہ سکیں ساھت ءَ پاکستانی حکومت فرانس ءِ حکومت ءُ الس ءِ دل ءَ گوں شگر ءُمنت واری ءَ گپت۔ آئی ءَ گوشت کہ پاکستان ءَ استیں فرانس ءِ سفیر ءَ وتی ملک ءَ شتگ ءُ کمکی سامان آنی ھمبراہ ءَ پاکستان ءَ اتگ ایش اے گپ ءِ سہرائی ءَ کنت کہ اے سکیں ساھت ءَ فرانس پاکستان ءِ گوما ھمگام ءَ اوشتاتگ۔
