اسلام آباد۔3ستمبر (اے پی پی):متحدہ عرب امارات، ترکیہ، قطر، ازبکستان، چین ءُ فرانس ءَ چہ 28 بالی جہاز کمکی سامان آناں زوران ءَ پاکستان ءَ پج اتگ انت۔ شمبے ءِ روچ ءَ دو بالی جہاز کمکی سامان آناں زوران ءَ پاکستان ءَ پجگ ءَ اَنت۔ وزارت ءِ اھوالکاری ءُ شنگ کاری ل ءِ نیمگ ءَ چہ جاڑی بوتگیں ھال انی رد ءَ براتیں اسلامی ملک ءُ ایندگر ملک آں چہ سیلاپ ءِ آماچیں مردم انی واستہ کمکی سامان آنی شنگ ءُ تالانی ءِ بالی آپریشن 28 اگست ءَ چہ بندات بوتگ انت اے روچ ءَ متحدہ عرب امارت ءَ چہ یک وھدیکہ ترکیہ ءَ چہ دو بالی جہاز پاکستان ءَ پج اتگ۔ شمبے ءِ رو چ ءَ شیڈول ءِ تہ ءَ چہ دو بالی جہا ز آنی تہ ءَ یک بالی جہاز ءِ فرانس ءَ چہ کمکی سامان آناں زوران ءَ اسلام آباد ائیر پورٹ ءَ پج اتگ وھدیکہ ترکیہ ءَ چہ آیوکٰں دومی بالی جہاز ھم پج ءَ انت۔ سرجمیں ھال آنی رد ءَ یک شمبے ءِ روچ 4 ستمبر ءَ متحدہ عرب امارات ءَ چہ دو وھدیکہ یونیسیف ءِ یک جہاز ءِ کمکی سامان آناں زوران ءَ پاکستان ءَ پج ائیت۔ ھمے رنگ ءَ 5 ستمبر ءَ متحدہ عرب امارات ءَ چہ گیش وھدیکہ ترکمانستان ءَ چہ یک جہاز، 6 ستمبر ءَ متحدہ عرب امارات ءَ چہ دو ، یونیسیف ءَ چہ یک بالی جہاز ءِ پاکستان ءَ پج ائیت۔
