کراچی ۔3ستمبر (اے پی پی): بنجاھی وزیر برائے گریبی ءِ ھلاس کنوک ءُ چاگردی رکھینوک عطا مری ءَ گوشتگ کہ وزیر ءِ درئی کار بلاول بھٹو زرداری ءَ ھور ءُ سیلاپ ءِ وستہ یک کھرب 33 ارب کلدار ءِ چندہ یکجا کتگ وھدیکہ آماچیں مردم آنی کمک ءِ لواستہ یونائیٹڈ نیشن ءُ امریکہ ءَ چہ ڈل پاکستان ءَ پیداک انت۔ شمبے ءِ روچءَ جاڑی بوتگیں بیان ءِ رد ءَ آئی ءَ اپسوزی ءِ درشان ءَ کنان ءَ گوشت کہ ملک ءَ سیلاپ ءُ ھور آنی جاور ھال انت بلے عمران خان ءِ ڈکشنری انسانیت ءِ آب ءِ جند مان نیست۔ بلاول بھٹو زردساری ءَ راست گوشتگکہ عمران خان اولی سر ءَ یک بنی آدمے پدا رند ءَ یک سیاسدان ءِ جوڑ بہ بیت۔ آئی ءَ گیش تران کنان ءَ گوشت کہ الس سیلاپ ءُ ھور ءِ سبب ءَ مشکل آنی آماچ انت وھدیکہ عمران خان محفل ءُ سوت کنگ ءَ انت۔ شازیہ مری ءَ گوشت کہ ھور ءُ سیلاپ گریبیں الس ءِ وتی ءُ وشھالی ءَ را ھار ءَ برتگ آں۔ شازیہ مری ءَ گوشتگ کہ سئے کروڑ ءَ چہ گیش پاکستانی ھور ءُ سیلاپ ءَ چہ بے گس بوتگ انت۔
