گلگت۔3ستمبر (اے پی پی):مشیر برائے ءِ کشمیر ءِ کار ءُ گلگت بلتستان قمر زمان کائرہ ءَ پیسریگیں سر وزیر گلگت بلتستان حافض حفیظ الرحمان ءَ گوں گند ءُ نند کت۔ گند ءُ نند ءَ اپوزیشن لیڈر گلگت بلتستان اسمبلی امجد حسین ایڈوکیٹ ءَ ھم بھر زوری کت۔ دوئی سروک آں سیلاپ ءَ چہ آماچیں مردم آنی واستہ مزن وزیر ءِ نیمگ ءَ پیکیج ءِ جار ءَ را وش اتک کت۔ اے موہ ءِ سر ءَ کمکی زر آناں بزگریں مردم آناں ساپ ءُ سلہ ائیں رپک ءَ بھر ءُ بانگ کنگ ءِ ھوالگ ءَ ھیال ریچی کنگ بوت۔ قمر زمان کائرہ ءَ گوشت کہ توامیں آماچیں مردم آنی آسودگی ءَ چہ ایمن ءِ دل نہ ننداں، سکیں ساھت ءَ پاکستان ءِ الس وتی گلگت بلتستان ءِ برات آنی گوما انت۔
