اسلام آباد۔3ستمبر (اے پی پی):پاک فضائیہ ءَ کے پی کے، سندھ ، بلوچستان ءُ زر باری پنجاپ ءِ سیلاپ ءَ چہ آماچیں دمگ آنی تہ ءَ وتی ریسکیو ءُ رلیف آپریشن ترند کتگ انت۔ پاک فضائیہ ءِ نیمگ ءَ شمبے ءِ روچ ءَ ادا جاڑی بوتگیں پریس ریلیز ءِ رد ءَ پی اے ایف ءِ ایمرجنسی ریسپانس ٹیمب سیلا پ ءِ آماچیں مردم آنی برجائی ءِ کار ءَ سول انتظامیہ ِ ءِ گیشاں چہ کمک کنگ ءَ انت۔ سیلاپ ءَ چہ آماچیں دمگ آنی تہ ءَ جہاز ءِ سر ءَ راشن ءِ تھیلہ پجاری ءِ واستہ ہیلی کاپٹر ءِ وسیلگ ءَ ”ہیلوآپریشنز” ھم کنگ بوھگ ءَ اَنت۔ وھدیکہ گوستگیں 24 کلاک آنی تہ ءَ پاک فضائیہ ءِ میڈیکل ٹیمب ءَ 2272 مریض آناں مپت ءَ علاج ءِ آسراتی پجاری کتگ۔ بنی آدمی یکوئی ءِ رد ءَ پاک فضائیہ ءِ ایمرجنسی ریسپانس ٹیمب آں آماچیں ھاندان آنی تہ ءَ 3765 گرادگی راشن ءِ تھیلی ءُ 13800 پکائیں وردن ءِ پیکٹ بھر ءُ بانگ کتگ۔ ائی مارشل حامد راشد رندھا وا، ہلال امتیاز ملڑی ڈپٹی چیف آف ائیر سٹاف ایڈ منسٹریشن ءَ ضلع راجن پور ءَ پاک فضائیہ ءِ فلڈ ریلیف کیمپ ءِ چار ءُ تپاسی کت ءُ سیلاپ ءِ آماچیں مردم آناں پجاری کتگی آسراتی آنی ھوالگ ءَ دل یکیمی ءِ درشان کت۔
