اسلام آباد۔3ستمبر (اے پی پی):مزن وزیر شہباز شریف ءَ سر وزیر سندھ سید مراد علی شاہ ءِ پنت ءُ شون کتگ کہ توامیں سیلاپ ءِ آماچیں مردم آنی ازمت ءَ اچبر اچ رنگیں موہ یل کنگ مہ بیت۔ بنجاھی حکومت ھمک رنگ ءَ کمک ءِ واستہ تیار انت، شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگی بیان ءِ رد ءَ مزن وزیر ءَ سر وزیر سندھ ءَ را ٹیلی فون ءِ سر ءَ تران کتگ۔ مزن وزیر ءَ صوبہ سندھ ءَ سیلاپ ءِ آماچیں مردم آنی کمک ءِ ھوالگ ءَ تاجگیں جاور ھال آنی بابت ءَ سرپد ی زرتگ۔ مزن وزیر ءَ اے موہ ءِ سر ءَ سر وزیر ءَ گوں تران کنان ءَ بنجاھی حکومت ءِ ھمک رنگ ءَ آئی ءِ کمک کنگ ءِ واستہ ساڑی بوھگ، توامیں سیلاپ ءِ آماچیں مردم آنی ازمت ءَ اچ موہ یل نہ کنگ بیت۔ مزن وزیر ءَ سندھ ءَ سیلاپ ءِ آماچیں مردم آنی آسودگی ءِ واستہ سندھ حکومت ءُ سر وزیر ءِ کار کرد ءُ جوزگ آناں ساڑاتگ۔ سر وزیر مراد علی شاہ ءَ جوانیں کمک ءِ پد ءَ مزن وزیر ءُ بنجاھی حکومت ءِ شگر ءُ منت واری گپتگ۔ سر وزیر ءَ گوشتگ کہ سیلاپ ءِ آماچیں مردم آنی واستہ تئی پگر لائک ءِ ستا انت ، الس ءَ را دلپروش نہ کناں۔
