اسلام آباد۔3ستمبر (اے پی پی): مزن وزیر شہباز شریف ءَ گوشت کہ سیلاپ ءَ چہ آماچیں دمگ آنی تہ ءَ ضلوری ایں ازمت آنی پجاری ءِ واستہ ٹوھیں کساس ءَ کوشست جاڑی انت۔ شمبے ءِ روچ ءَ وتی ٹویٹ ءَ آئی ءَ گوشت کہ پاکستان نیشنل ہائی وے اتھارٹی، ڈسکوز، ٹیلی کمیونیکیشن اٹھارٹی ءُ ایندگر بنجاھی محکمہ مشکل آں ابید جوانیں کار کتگ۔ بنجاھی ادارگ ٹوھیں کساس ءَ اماچ بوھوکیں انفراسٹرکچر ءِ برجائی ءَ دزگٹ انت۔ توامیں سرکاری اپسرگ ءُ مزور آناں توسیپ ءُ ستا پیش کناں۔ یک دگہ ٹویٹے ءَ مزن وزیر شہباز شریف ءَ گوشت کہ سیلاپ ءَ چہ بلوچستان، سندھ ءُ خیبر پخونخوا ءَ توان ءِ نظام ءَ را سک باز تاوان پجاری کتگ، آماچین دمگ آںی تہ ءَ توان ءِ پجاری دل یکیمی یک ٹوھیں جیڈھ ءِ بوتگ۔ آئی ءَ گوشت کہ ھاسیں رنگ ءَ سیکرٹری پاور ڈویژن راشد لنگریال ءُ آئی ءِ ٹیمب ءَ را مبارک بات دیاں کہ آئی ءَ شپ ءُ روچ ازمت کنان ءَ توان ءِ برجائی ءَ را دل یکیمی کتگ۔
