گاہکوچ ۔2ستمبر (اے پی پی): مزن وزیر محمد شہباز شریف ءَگلگت بلتستان ءِتر ءُ تاب ءِساھت ءَ آدینگ ءِ روچ ءَ ضلع غزر ءَ سیلاپءَ چہ آماچیں مردم ھاسیں ازمکاریں یک زھگے ءَگوں گند ءُ نند کتگ ، آئی ءَ اے ھار ءِ ساھت ءَ وتی مات، 6 گہار ءُ برات ءُ بلُک بیران بوتگ۔ مزن وزیر ءَ زھگ ءِ سر ءَ در ایر مارت ءُ پتءَ را گلائیش کت ءُ اپسوزی ءِ درشان کت۔ مزن وزیر میڈیا کارگس ءِ رد ءَ جاڑی بوتگیں پریس ریلیز ءِ رد ءَ مزن وزیر ءَ زھگ ءَ گوں تران کنان ءَ گوشت کہ شمے اے ڈکھ ءَ را بیان کنگ بوت نہ کنت ، اے مشکل ءِ ساھت ءَ شمےگوما راج ھمگامءَ اوشتاتگ۔ اے ساھت ءَ زھگ ءِ وانگ ءُ زانگ ءِ ھاترا ءُ علاج ءِ واستہ 50 لکھ کلدار زر دیگ ءِ جار جتگ ءُ پنت ءُ شون کت کہ زھگ آنی نام ءَ اینڈومنٹ فنڈ ایر کنگ بہ بیت۔ مزن وزیر ءَ پنت ءُ شون کت کہ زھگ ءِ دوا ءُ درمان ءِ واستہ توامیں آسراتی کارمرزکنگ بہ بنت۔
