گاہکوچ۔ 02 ستمبر (اے پی پی) وزیراعظم محمد شہباز شریف جمعہ نادے آ گلگت بلتستان نا ضلع غذر نا نوکاپ آن زہمی علاقہ غاتا دورہ ءِ کرے۔ وزیراعظم آفس نا میڈیا ونگ آن جاری بیان نا رداٹ وزیراعظم پاکستان محمد شہباز شریف ءِ ضلع غذر اٹی نوکاپ آن زہمی علاقہ و بحالی نا کاریم تیا حوال تننگا۔ وزیراعظم ضلع غذر نا علاقہ بوبر اٹی نوکاپ آن زوال کروک آ بندغ آتا خاہوت آتے 10، 10 لکھ روپئی تننگ ناپارت کرے۔ وزیراعظم پاکستان نا کنڈآن بوبر خلق انا بحالی کن دہ کروڑ روپئی تننگ نا پڑو کننگا۔ داکان بیدس وزیراعظم نا کنڈآن بوبر اٹی پنچ کلومیٹر سڑک ءِ پکا کننگ نا پارت کننگا۔
