گلگت۔ 02 ستمبر (اے پی پی) سلاہکار امور کشمیر و گلگت بلتستان قمر زمان کائرہ تون مسلم لیگ (ن) گلگت بلتستان نا ڈل اوڑدہی کرے۔ ڈل انا کماشی ءِ مسکوہی وزیراعلیٰ گلگت بلتستان حافظ حفیظ الرحمان کرے۔ داڑے ملوک آ سرجم حوال آتا رداٹ اوڑدہی ٹی گلگت بلتستان اٹی ساڑی آ دے تیٹی بشام آن مروک آ نسخان تیا گپ وتران کریر ۔ بشام و نوکاپی حالیت آتیان گلگت بلتستان اٹی جانی و مالی نسخان مسنے۔ پاکستان نا الس و حکومت مشکل نا داساہت اٹی گلگت بلتستان نا الس تون تفوک ءُ۔ مسکوہی وزیراعلیٰ پارے کہ نسخان تا جاچ ءِ ہلنگ کن سروے زوت بناکیک۔ حافظ حفیظ الرحمان سندھ، بلوچستان و سویلی پنجاب اٹی مروک آ نسخان تیا است ہسونی نا درشانی ءِ کرے۔ مسلم لیگ (ن) نا ڈل گلگت بلتستان اٹی مروک آ نسخان تیان سلاہکار امور کشمیر ءِمعلومدار کرے۔ اوڑدہی ٹی گلگت بلتستان نا سیاسی حالیت آتیا ہم گپ وتران کننگا۔
