راولپنڈی۔ 02 ستمبر (اے پی پی) ملک انا چندی بشخ آتیٹی نوکاپ آن زہمی علاقہ غاتیٹی پاک فوج انا کمکی سرجزآک برجاءُ، مخلوق ءِ رکھوک ہند آتیا گدریفنگ و راشن نا فراوانی کن 200 ہیلی کیپٹر جہاز چلیفنگانے۔ آئی ایس پی آر نا رداٹ تدوک آ 24 گھنٹہ ٹی، 1991 اختہ مروک آ بندغ آتے کشنگانے و 162.6 ٹن کمکی گڑا نوکاپ آن زہمی مخلوق اسکان سرکننگانے۔ داتم اسکان 50000 آن زیات بندغ آتے آفت زدہ علاقہ غاتیان رکھوک ہند آتیا گدریفنگانے۔ نوکاپ زہمی تیکن سندھ، سویلی پنجاب و بلوچستان، کے پی کے نوکاپ آن زہمی علاقہ غاتیٹی 147 ریلیف کیمپ 24 گھنٹہ کاریم کننگ اٹی ءُ۔ داتم اسکان 60،000 آن زیات ناجوڑ آتا درمان ءِ کننگانے و ناجوڑ آتے 5 دے اسکان نا مفت دوائی فراوان کننگانے۔ مچ آ ملک اٹی 221 فلڈ ریلیف آئٹم کلیکشن پوائنٹ جوڑ کننگانے۔ 1350 ٹن آن زیات خور/دوائی و ایلو کنوئی آ گڑا جمع کننگا۔
