گلگت۔ 02 ستمبر (اے پی پی) وزیراعظم نا سلاہکار امور کشمیر و گلگت بلتستان قمر زمان کائرہ پارینے کہ پاکستان مشکل آ حالیت آتیان گدرینگ انگ ءِ، نوکاپ نا سوب آن ملک انا نیمہ بشخ زہمی مسنے، ہر زہمی خاہوت ءِ 25 ہزار روپئی تننگ انگ ءِ، کزیت کروک آتا خاہوت آتے 10 لکھ روپئی تننگ انگ ءِ۔ جمعہ نادے آ داڑے اسہ دود اسے آن تران کرسا اوپارے کہ پاکستان مشکل آ حالیت آتیان گدرینگ انگ ءِ۔ نوکاپ نا سوب آن ملک انا نیمہ بشخ زہمی مسنے۔ بنجائی و صوبائی حکومت آک زوت بحالی کن پبی کوشست کننگ اٹی ءُ۔ اوپارے کہ گلگت بلتستان اٹی ہم نوکاپی حالیت آتا سوب آن جانی و مالی نسخان مسنے۔ نوکاپ نا سوب آن سندھ و بلوچستان اٹی قیامت نا سماں ءِ۔ قمر زمان کائرہ پارے کہ سندھ اٹی ہراڑسکان ہریس دیر ہی دیر ءِ۔ وزیراعظم پاکستان نوکاپ آن مروک آ نسخان تا جاچ ءِ ہلنگ کن گلگت بلتستان نا دورہ ءِ کننگ ءِ۔ ہر زہمی خاہوت ءِ 25 ہزار روپئی تننگ انگ ءِ۔ کزیت کروک آتا خاہوت آتے 10 لکھ روپئی تننگ انگ ءِ۔ نسخان تا جاچ ءِ ہلنگ کن زوت سروے نا بناءِ کننگ انگ ءِ۔ اوپارے کہ سروے ٹیم اٹی سول ادارہ غاتون فوج انا ٹیم ہم اوار مریک۔ سروے ٹی کس اسے تون پرخ کننگپک۔ ارادہ ءِ کہ غٹ آن مست سروے گلگت بلتستان و خیبر پختونخوانا کننگے۔
