کوئٹہ۔ 02 ستمبر (اے پی پی) سیکرٹری محنت و افرادی قوت طارق قمر بلوچ پارینے کہ پاکستان داوخت آ تاریخ نا بدترین نوکاپ تون مون تننگ ءِ، زہمی تا کمک و بحالی ننا غٹ انا قومی و اخلاقی زمواری ءِ۔ داہیت ءِ او ویمن ٹیکنیکل ٹریننگ سینٹر سمنگلی روڈ کوئٹہ نا کنڈآن نوکاپ زدگان تیکن کمکی گڑا الخدمت فائونڈیشن ءِ عطیہ کننگ نا وخت آ گپ وتران اٹی پارے۔ داوخت آ ڈائریکٹر افرادی قوت تربیت عبدالغفور مری ، پرنسپل ڈبلیو ٹی ٹی سی میڈم شبنم ناز تون اوار استاد و طالب علم آک ہم ساڑی ئسر۔ سیکرٹری محنت و افرادی قوت طارق قمر بلوچ پارے کہ مشکل وخت اٹی نوکاپ زدگان تا کمک و بحالی کن حکومت غٹ وسیلہ غاتے کاریم اٹ اتنگ ءِ پک کننگ ءِ وخت اس کہ ایلو سرکاری ادارہ غاک ہم نوکاپ آن زہمی شاری تا کمک، رکھ و اوفتے آسراتی تننگ کن ایلو ضلعی و حکومتی ادارہ غاتون ہم کوپہ ءُ۔ اونا پاننگ ئس کہ ڈبلیو ٹی ٹی سی نا اسٹاف و ٹرینیز آتا جوزہ ستاکڑزک انتئے کہ مشکل ساہت اٹی حکومت تون اوار آسودہی تنظیم و سخی تے تینا پبی کڑد ءِ ادا کروئی مریک تانکہ مصیبت زدہ ایلم تا کمک مننگ کے و او زوت آن زوت دُوارہ تینا اُراتیٹی باعزت وڑاٹ آباد مننگ کیر۔ پرنسپل ڈبلیو ٹی ٹی سی میڈم شبنم ناز پارے کہ نن تینا کمک تینٹ نا رداٹ کمکی گڑا جمع کرینن تانکہ ڈکھیا ایڑھ و ایلم تا کمک ءِ کننگ مرے و دا چرجوئی آخبت ہم برجاسلک ۔ اونا پاننگ ئس کہ راج انا ہر تپہ ءِ مصیبت زدہ مخلوق نا کمک کن مون آ برسا متحرک کڑد ادا کروئی مریک انتئے کہ اسیجائی کوشست آتے اٹ ہی زہمی تا بحالی مننگ کیک۔
