اسلام آباد۔1ستمبر (اے پی پی): مزن وزیر محمد شہباز شریف ءَ 300 یونٹس ءَ تاں توان ءِ ھرچ کنوکیں کسٹومر آناں فیول پرائس ایڈجسٹمنٹ ءِ سر ءَ یلوئی ءِ جار ءَ جنان ءَ گوشت کہ 10 ہزار میگاواٹ ءَ تاں شمسی وپون توان پیداک کناں ایشی ءَ چہ کشت ءُ کشار، صنعت ءَ ھوار ایندگر شوبگ آنی تہ ءَ سستائیں توان ءِ پجاری کنگ بیت، مسلم لیگ ن ءِ توامیں باسک راجی ءُ صوبائی اسمبلی سیلاپ ءِ آماچیں مردم آنی کمک ءِ واستہ ٹیمب جوڑ کنان ءَ آماچیں دمگ آں در بیا انت، عمران نیازی ءَ چار سال ءُ نیم ءَ دروگ، بھتام بندگ ءُ نااہلی ءِ کمک ءَ معیشت ءُ ملک ملک ءِ بیڑا گرک کتگ، نیب ءَ ھوار ایندگر ادارگ آناں سیاسی ھلاپ کنوک آں چہ بیر گرگ ءِ واستہ کارمرز کتگ، فوج ءُ ادارگ آنی ھلاپ ءَ پروپیگنڈا کنوک آناں راج پجا بیار انت، آئی ایم ایف ءَ چہ ترندیں منوگری ءَ چہ اے وڑ سما بوھگ ءَ ما وتی پیسلہ آں کنگ ءَ آزارت نہ آں، یک ارب 20 کروڑ ڈالر ءِ وام ءِ واستہ پونز ءَ چہ لکیر کش اِتگ، گوزوکیں سال ءَ 20 ارب ڈالر ءَ چہ گیش ٹیل ءِ درآمد ءِ سر ءَ ھرچ کتگ، سولر ھاٹیگ ءَ چہ سستائیں توان ءِ پیداوار بوھوکیں اربانی ڈالر ءِ بچت بیت ایش ما راج ءِ بنیاتی آسراتی آنی پجاری ءِ واستہ ھر چ کناں۔ پنچ شمبے ءِ روچ ءَ پارلیمنٹ گس ءَ مسلم لیگ ن ءِ باسک راجی ءُ صوبائی اسمبلی ءَ گوں گشتانک دیان ءَ کت مزن وزیر ءَ گوشت کہ حکومت ءِ گرگ ءَ را چار ماہ ءِ وھد ءُ پاس بوتگ، اے نماھندگ سیاسی گل آنی لس حکومت انت، وھد ءِ سروکی ءَ نشتگ اَنت گڈا ملک ءِ معاشی تباہی ءُ ڈکالی ءِ سما بوتگ، اللہ پاک ءِ نام ءَ چہ اے جزم ءِ گوما ما تچ ءُ تاگ وتی کوپگاں زرتگ ءُ گوں تپاکی ءَ پاکستان ءَ را اے معاشی تباہی ءَ چہ رکھینگ ءِ گیشاں چہ گیش کوشست کناں۔ باقی آسر ھُدا ءِ دست ءَ انت۔ آئی ءَ گوشت کہ پاکستان نوں ھمیش انت دیم پہ دیمروئی ءَ جنزگ ءَ انت، آئی ءَ گوشت کہ عمران خان ءِ سبب ءَ براتیں اسلامی ملک ناراضہ بوتگ اَنت ءُ پاکستان ءَ را ایوک یل کتگ۔
