سید  علی گیلانی  پاکستان ءَ  گوں ھوار  بوھگ ءِ منوک ءِ بوتگ،  آئی  ءِ  آزاتی ءِ واستہ بے  کساس ازمت  ءُ قربانی انت، ایشاناں اچبر بے ھیال کنگ بوت نہ کنت،  مسلم  لیگ ن  ءِ سروک  شاہ  غلام  قادر

اسلام آباد۔1ستمبر  (اے پی پی): مسلم لیگ  ن  آزات جمون کشمیر ء، سر  شاہ  غلام  قادر  ءَ گوشت کہ  سید علی گیلانی   گوں  پاکستان ءَ ھوار بوھگ ءِ  منوک  ءِ  بوتگ،   ایشاناں اچبر بے ھیال کنگ  نہ بیت،  آئی ءِ اولی سالروچ ءِ موہ ءَ وتی کلوہ ءَ  آئی ءَ گوشت کہ ما تحریک  آزاتی  ءِ واستہ سید علی گیلانی ءِ ازمت آناں سلام پیش کناں، کشمیر  ءِ  باھند ءِ  جتائی ءَ  سرجمیں کشمیری  راج  ڈکھ  ءُ اندوھ ءِآماچ انت۔  سید علی گیلانی ءَ بھارتی  زوراکی  ءِ ھلاپ ءَ وتی راج ءِ آزاتی ءِ جنگ، گوں  مزن جگری  ءِ گوما   کتگ۔  آئی ءَگ وشت کہ سید علی گیلانی ءِ جہد ءُ کوشست سرجمیں راج ءُ سرجمیں دگنیا  ءِ آزاتی  دوست آنی واستہ  مادنیں  کشک ات،  آئی ءِ بیرانی تحریک آزاتی  ءِ واستہ  بے دروریں  تاوان انت، سید علی گیلانی ءَ  ھمے مول ءُ مراد  ء،واستہ   جہد  ءُ کوشست  کتگ  ایشی ءِ سرجمیں   ءَ تاں  کشمیری آنی جہد  ءُ کوشست   جاڑی بنت۔   دعا انت کہ اللہ پاک  سید علی گیلانی  ءَ ھوار  توامیں کشمیر ءِ شہید آنی درجگ آناں برز ءُ بلند بکن آت۔