مظفر آباد۔1ستمبر (اے پی پی):آزاد کشمیر ءِ وزیر ءِ جنگلات چوہدری محمد اکمل سرگالہ ءَ گوشت کہ کماشیں حریت سروک سید علی گیلانی ، مزن جگریں، دلیریں ، بامرد، سگ ءُ اوپار کشی ءِ گوما یک شلی ءَ تحریک آزاتی کشمیر ءِ واستہ بے کساس جہد ءُ کوشست کنوکیں بامرد ءِ بوتگ آئیءَ را کشمیری راج اچر بے ھیال کت نہ کنت۔ تحریک آزاتی جمون کشمیر ءِ بابائے آجوئی ءِ واھند ءَ وتی سرجمیں زندمان ءَ تحرینک آزاتی جمون کشمیر ءِ واستہ داد کتگ بوتگ اے سفر ءَساھت ءَ آئیءَ بھارتی ظلم ءُ زوراکی ءَ را دلیری ءِ گوما مقابلہ کتگ آئی ءَ را بار بار دزگیر کنگ ءُ جیل ءَ روادن دیگ بوتگ ءُ ترندیں نشانگ بندگ بوتگ، ایشی ء۔ ابید آئی را گس ءِ اندر ءَ نظر بند کنگ بوتگ ءُ علاج ءِ آسراتی ءَ چہ گستا دارگ بوتگ بلے انگت آ مھکم بوتگ۔ شما آزاتی ءِ ھاترا مڈ اتگ ات ءُ آزاتی ءِ واب ھم ادارُکی دگنیا ءَ ءَ را گڈا بائی گوشتگ ، بلے انگت آئی ءِ سسا ءُ لیکہ اچبر بیلاش ءَ نہ رونت۔ آ وھد دور نہ انت کہ آزاتی ءِ برمش جموں کشمیر ءَ سہرا بیت۔
