اسلام آباد۔1ستمبر (اے پی پی):پاکستان ءَ بھارت ءِ گیر کانودی رنگ ءَ کیز کتگیں جموں کشمیر ءَ بنی آدمی ھک آنی ھرابیں جاور ھال آنی ھوالگ ءَ نہ وشی ءِ درشان کتگ ادا بھارتی فوج ءَ یک 23 سالی انجینئرنگ ءِ نودربر ءَ ھوار گیش 6 کشمیری ورنا آناں بارہمولہ ءُ شوپیاں ءِ دمگ ءَ دروگیں مقابلہ ءِ شہید کتگ۔ درئی کارانی کارگس ءِ ترجمان عاصم افتخار احمد ءَ پنچ شمبے ءِ روچ ءَ ادا پریس بریفنگ ءَ نامداریں کشمیری آجوئی بامرد سید علی گیلانی ءَ را آئی ءِ اولی سالروچ ءِ موہ ءَ توسیپءُ ساڑا پیش کنان ءَ گوشتگ کہ آ ددلیری ءُ وت واجئی ھک ءِ در جنگ ءِ واستہ کشمیر الس آنی دلیریں جہد ءُ کوشست ءِ لکا بوتگ انت ایشی ءِ ھک آواناں یونائیٹڈ نیشن ءِ سلامتی کونسل ءِ جتا جتائیں منوگری آنی وسیلگ ءَ دیگ بوتگ۔ سید علی گیلانی ءَ را آئی ءِ وتی وطنی مردم آں : بابائے حریت” ءِنام نامینتگ۔ آئی ءَ گوستگیں سال یکم ستمبر ءَ دراج بریں گیر کانودی بھارتی کیز ءَ وتی گڈی نپس کشتگ۔ درئی کارانی کارگس ءِ ترجمان ءَ گوشت کہ اسلام آباد ءَ استیں ناظم الامور ءَ پنچ شمبے ءِ روچ ءَ وزارت ءِ درئی کار ءَ گوانک جنگ بوت ءُ سید علی گیلانی ءَ را آئی ءِ کتگیں کلوہ ءِ رد ءَ آئی ءِ گس ءِ مردم آنی واھشت بوتگ کہ آئی ءَ را کلوہ ءِ رد ءَ کنڈ کنگ بہ بیت بلے بھارت ءِ یک شلیں زوراکی ءَ چہ جاک کنگ بوتگ۔ درئی کارانی کارگس ءِ ترجمان ءَ گوشت کہ سید علی گیلانی ءِ میراث جموں کشمیر ءَ گیر کانودی بھارتی آوار جنگ ءَ را ھلاس کنگ ءِ واستہ آئی ءِ مشن ءَ را د یم ءَ جنزینوک آناں کمک دنت۔
