اسلام آباد۔ 01 ستمبر (اے پی پی) نوکاپ آن زہمی علاقہ غاتیٹی پاک فوج انا ریسکیو اینڈ ریلیف آپریشن برجاءِ، زہمی علاقہ غاتیان 50 ہزار آن زیات بندغ آتے رکھوک ہند آتیا گدریفنگانے۔ آئی ایس پی آر نا رداٹ خیبرپختونخوا کن آرمی فلڈ کنٹرول ہیلپ لائن 1125 و ایلو علاقہ غاتیکن 1135 ہیلپ لائن فعال ءِ، شاریک ہروڑنا کمک کن دا ایمرجنسی نمبرآ تیا رابطہ کننگ کیرہ۔ پاک فوج انا 157 ہیلی کیپٹر اسہ ہزار 87 اختہ مروک بندغ آتے کشار، آرمی ایوی ایشن نا کمک اٹ 72 ٹن کمکی گڑا سرکننگا وخت اس کہ زہمی علاقہ غاتیان 50 ہزار آن زیات بندغ آتے رکھوک ہند آتیا گدریفنگانے، چندی میڈیکل کیمپ آتیٹی 51 ہزار آن زیات ناجوڑ آتا درمان کننگا ومفت دوئی فراوان کننگا۔ مچ آملک اٹی کمکی گڑا جمع کننگ کن 221 ریلیف پوائنٹ جوڑ کننگانے، دا پوائنٹ آتیا اسہ ہزار 231 ٹن کمکی گڑا، غذائی گڑا و دوائی جمع کننگا ہرافتے زہمی علاقہ غاتیا سرکننگ انگ ءِ۔ ایف ڈبلیو او نیشنل ہائی وے اتھارٹی تون اواری اٹ قراقرم ہائی وے و جگلوٹ سکردو روڈ انا وخت آ بحالی ءِ پک کرینے، سندھ اٹی ریسکیو اینڈ ریلیف آپریشن ءِ ودفنگ کن ودکی انجینئر وطبی عملہ کراچی آ گدریفنگانے۔
