اسلام آباد۔ 01 ستمبر (اے پی پی) بنجائی وزیر حوالکاری و شینکاری مریم اورنگزیب پارینے کہ وزیراعظم شہباز شریف پارٹی نا قومی و صوبائی اسمبلی نا باسک آتا اہم ءُ دیوان اس اینو بٹنگانے، وزیراعظم نا کماشی ٹی دیوان اینو سہب انا دُوانزدہ بجہ غا مریک۔ پنچ شنبے نادے آ تینا بیان اٹی بنجائی وزیر مریم اورنگزیب پارے کہ وزیراعظم پارٹی قومی و صوبائی اسمبلی نا باسک آتون نوکاپ زہمی علاقہ غاتیٹی کمکی کارروائی تا جاچ ءِ ہلیک۔نوکاپ نا زہمی تا ریسکیو ، ریلیف و بحالی نا گام گیج ، غاو و دادرسی ءِ گچین کننگ آ سلابت مریک۔ اوپارے کہ وزیراعظم پارٹی نا قومی و صوبائی اسمبلی نا باسک آتے نوکاپ نا زہمی تا ریلیف نا کاریم تیٹی دوتے سبک کننگ نا پارت کریسس، اوڑآ عملدرآمد نا جاچ ءِ ہلنگک۔ وزیراعظم پارٹی نا قومی و صوبائی اسمبلی نا باسک آتے حلقہ وار کمکی کاریم تا چاروکی آ سلفک۔ دیوان نا مسخت نوکاپ نا زہمی تیکن کمکی کارروائی تیٹی حلقہ غاتا کہول آ شریداری عمل ءِ گچین کننگ ءِ۔
