اسلام آباد۔ 01 ستمبر (اے پی پی) نوکاپ آن زہمی علاقہ غاتیٹی انسانی امداد نا چرجوئی ٹی متحدہ عرب امارات آن اسہ پین جہاز اس کمکی گڑاتے اتسا پنچ شنبے نادے آ پاکستان آ سرمس۔ پنچ شنبے نادے آ دفترخارجہ نا ترجمان نا رداٹ کمکی گڑاتے اتسا بروک آ جہاز ءِ کراچی نا جناح انٹرنیشنل بالی پٹ آ صوبائی وزیر خواری سعید غنی بخیر کرے۔ دا متحدہ عرب امارات آن بروک آ ہشت می جہاز ءِ ہرا تباہ کن نوکاپ آن زہمی پاکستانی الس کن کمکی گڑا اتسا بسنے۔ ترجمان تینا بیان اٹی پارے کہ پاکستان اٹ نوکاپ آن ودی مروک آ تباہ کن حالیت آتا مون ءِ توننگ کن پاکستانی الس تون کمکاری و یکجہتی آ پاکستان متحدہ عرب امارات نا حکومت و الس نا منت وار ءِ۔

متعلقہ مضامینمصنف کی طرف سے مزید