اسلام آباد۔ 01 ستمبر (اے پی پی) صدر مملکت ڈاکٹر عارف علوی نوکاپ زدہ علاقہ غاتا جاچ ءِ ہلنگ کن مچ آ ملک اٹی دورہ کننگ ءِ۔ ایوان صدر نا پریس ونگ آن جاری بیان نا رداٹ صدر مملکت اینو( پنچ شنبے نادے آ) سویلی پنجاب، سندھ و بلوچستان اٹی نوکاپ زدہ علاقہ غاتا دورہ ءِ کیک۔ صدر مملکت ءِ ڈیرہ غازی خان، نصیر آباد و سکھر اٹی نوکاپ نا حالیت آتیا حوال تننگک۔ صدر عارف علوی نوکاپ زدہ علاقہ غاتا فضائی جاچ ءِ ہم ہلیک۔ صدر مملکت ریلیف کیمپ آتا دورہ ءِ کیک، نوکاپ زدگان آتون اوڑدہی کیک ۔ صدر مملکت نوکاب زدگان آتے آسراتی تا فراوانی و اوفتے مون تروک ویل آتے ہُننگ کن اوفتے تون اوڑدہی کیک۔ تدوک آ دے، صدر مملکت خیبرپختونخوا ٹی نوکاپ زدگان تا امداد و بحالی کن کروک آ کوشست آتا جاچ ءِ ہلنگ کن دورہ کریسس۔ صدر مملکت قوم و جہانی برادری آن نوکاپ زدگان تا است انا حب اٹ کمک ءِ کننگ ناخواست کریسس۔ صدر مملکت آخبت نوکاپ آن بچنگ و نوکاپ زدگان تا ترند تر بحالی کن گام گیج آتا گرج آ زور شاغاسس۔
