اسلام آباد۔ 01 ستمبر (اے پی پی) وزیراعظم محمد شہباز شریف نہادی زرمبادلہ نا بچت و الس ءِ بجلی نا فراوانی ٹی ریلیف تننگ کن کبین آ درآمدی تیل انا جاگہ غا دے انا روشنائی آن بجلی ودی کننگ نا فیصلہ غا عملدرآمد نا منظوری ءِ تسنے۔ پنچ شنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم الس ءِ بجلی نا باندات اٹی ریلیف تننگ نا بھلو فیصلہ اس کرینے۔ وزیراعظم پیشن نا ملک آن کبین تیل خواہفسا بجلی جوڑ کننگ نا جاگہ غا دے انا روشنائی آن بجلی ودی کننگ نا منظوری ءِ تسنے۔ وزیراعظم محمد شہباز شریف ملک انا نہادی زرمبادلہ نا بچت کن بھلو و بنداوی گام اس ہرفینے ہراڑآن پاکستان ارب آ ڈالر نا بچت کننگ کیک۔ڈٹ انا رداٹ کبین آ درآمدی ایندھن (ڈیزل و فرنس آئل) نا جاگہ غا سولر پاور آن 10 ہزار میگاواٹ بجلی ودی مریک۔ اولیکو ریسہ ٹی سرکاری ماڑی، بجلی و ڈیزل آن چلینگوک آ ٹیوب ویل و کم یونٹ کاریم اٹ اتوک آ اُرائی صارف آتے دے انا روشنائی آن ودی مروک آ بجلی تننگک۔ وزیراعظم سولر پاور پلانٹ آتا زوت تفنگ نا ہم پارت کرینے۔ باسنی تا بروک آ موسم نا بنامننگ اسکان الس ءِ بجلی نا فراوانی ٹی خاطر خواہ ریلیف فراوان کننگ نا پارت کرینے۔ وزیراعظم نا تعلقدار ادارہ غاتے ڈٹ آ ہلہلہ ئی بنداو تیا کاریم بناکننگ نا پارت کرینے۔ وزیراعظم بروک آ ہفتہ غٹ تعلقدار بندغ آتا بولی تیان مست پری بڈ کانفرنس اڈتننگ نا ہم پارت کرینے۔
