متحدہ عرب امارات آن نوکاپ نا زہمی تیکن 50 ملین ڈالر نا کمکی گڑاتا بننگ بناکرینے، وزیراعظم شہباز شریف

اسلام آباد۔ 01 ستمبر (اے پی پی) وزیراعظم شہباز شریف پارینے کہ برادر ملک متحدہ عرب امارات آن نوکاپ نا زہمی تیکن 50 ملین ڈالر نا کمکی گڑاتا بننگ بناکرینے، تدوک آ نن صدر محمد زاہد تون ٹیل فون آ ہیت مس ہراٹی او باور کرفے کہ او نوکاپ نا زہمی تا کمک ءِ برجاتخک۔ پنچ شنبے نادے آ تینا ٹویٹ اٹی وزیراعظم پارے کہ صدر یواے ای نا سلہ غا کنا 3 ستمبر آ متحدہ عرب امارات نا دورہ طے ئسک ولے نن غٹ تر چکار ءِ زہمی تا ریلیف و بحالی آ تخنگ کن دا دورہ ءِ پدبٹنگ نا فیصلہ کرین۔ وزیراعظم پارے کہ مشکل نا داساہت اٹی ننتون سلوک آ ایڑھ و ایلم تا مدام وامدار مرینہ۔