اسلام آباد۔31اگست (اے پی پی): تحریک آزاتی کشمیر ءِ سروک سید علی گیلانی ءِ اولی سالروچ ءِموہءَ بھارت ءِ گیر کانودی رنگ ءَ آوارجتگیں جموں کیشمیر ءِ الس باندات یکم ستمبر ءَ حیدر پور سری نگر ءِ نیمگ ءَ مار کنت، آھودا ھدا مرزی وتی گڈی ھنکین ءَ قبر انت، سید علی گیلانی ءَگوستگیں سال یکم ستمبر ءَ سرینگر ءِدمگ حیدر پورہ ءَ وتی گس ءَ بھارتی فورسز ءُ پولیس ءِ کیز ءِ تہ ءَ شہید بوت، بھارتی ظلمیں انتظامیہءَ آئیءَ را دھ سال ءَ چہ گیش وھد ءُ پاس ءَ یک شلی ءَ گس ءِ اندر ءَ نظر بند کیز کتگ بوتگ۔ دزگیری ءِ ساھتءَ شہید بوھگ ءَ چہ پد بھارتی فوج ءُ پولیس ءَ ظالمیں انتظامیہءِ حکم ءِ پدءَ آئی ءَ را زبردستی ءَ کنڈ کتگ۔ سید علی گیلانی گوستگیں سال یکم ستمبر ءِ شپ ءَ بیران بوتگ۔ ایشی ءَ چہ پیسر سری نگر ءَ چہ ڈن نندوکیں لکھانی کشمیری الس آنی کبر ءُ کسارت نہ رستگ انت۔ بھارتیظلمیں فوج ءَ آئی ءِ میت ءَ را زبردستی چست کتگ ءُ آئی ءَ را 2 ستمبر ءَ سہب ءِ مھلا دفن کت۔ ھدا مرزی ءِ گوشگ ءَ ابید آئی ءَ را شہید آنی قبرستان ءَ کنڈ کنگ نہ بوت، ھندی قبرستان ءَ آئیءِ جنازہءِ توکءَ ایوک ءَ نزیکیں سیاد ءُ وارس ءُ ھمساھگ آناں ساڑی بوھگ ءِ موہ دیگ بوت، اے ساھت ءَ ظالمیں ارد ءَ دمگ ءَ را سرجمیں رنگ ءَ سیل کتگ ات۔ آجوئی ءِ واستہ جہد ءُ کوشست آناں مدام یات کنگ بیت۔ آ جوئی ءِپڑ ءَ یک ٹوھیں چیدگ ات۔
