کالام۔31اگست (اے پی پی): مزن وزیر محمد شہباز شریف ءَ گوشت کہ این ایف سی ایوارڈ ءِ چیر دستی ءَ آسراتی بھر ءُ بانگ ءَ چہ صوبگ آنی آمدن نوں بنجاھ ءَ چہ گیش انت پدا ھم ایشی ءَ ابید صوبگ آنی گوما یکجائی ءَ سیلاپ ءَ چہ آماچیں مردم آنی برجائی، گس آنی جوڑیشت ءُ کشار آنی تاوان آناں پیلو کناں، اے مئے راجی زمہ واری انت۔ چار شمبے ءِ روچ ءَ شہباز شریف ءَ سیلاپ ءَچہ آماچیں دمگ کالام ءِ تر ءُ تاب کت آھوادا آئی ءَ سیلاپ ءَ چہ آماچیں مردم آں گوں گند ءُ نند کت۔ مزن وزیر ءَ را اے موہ ءِ سر ءَ آماچیں دمگ آنی تہ ءَ کمکی کاروائی ءُ تاوان آنی ھوالگ ءَ سرپد کت۔ ھندی مردم آں مزن وزیر ءَ را گوشت صوبائی حکومت ءِ نیمگ ءَ چہ ادا پستگیں سیلءُ سوادی مردم آنی واستہ ھرچی وردن ءُ وراک پجاری کنگ بوھگ ءَانت ایش کموک انت،ماوتی گس آں چہ راشن پجاری کنگ ءَ آں، ایشانی واستہ ما توامیں ہوٹل آنی دروازگ پچ کتگ انت۔ مزن وزیر شہباز شریف ءَ اے موہ ءِ سر ءَ آماچیں مردم آں گوں گشتانک دیان ءَ کت سیلاپ ءِ سبب ءَ رابطہ ءُ کشت کٹ انت، پاکستان ءِ جتا جتائیں دمگ آنی اتکگیں سیلءُ سوادی مردم پستگ انت۔ آواناں ادا شفٹ کنگی انت۔ مزن وزیر ءَ گوشت کہ آ ادے نندوکیں مردم آنی شگر ءُ منت وار انت ، ھما واں کہ ایشانی ھیال داری کتگ۔ اے شرپ مندیں مردم انت ءُ گواچنی پاکستانی ءِ بستار ءَ وتی فرض ءَ پیلو کنگ ءَانت۔ آئی ءَ گوشت اے سکیں ساھت ءَ شمارا ایوک ءَ یل نہ کناں،ھمےھاترا وت آماچیں دمگ آنی یک شلی ءَ تر ءُ تاب ءَ کنگ ءَ آں۔ ھمبراہ داریں پارٹی آنی باسک ھمبراہ انت ، مرچی آرمی چیف ءُ ایندگر ارد آنی سروک ایف ڈبلیو او ءِسروک آنی گوما گپءُ تران کن اَنت۔ وھدیکہ ما یک شلی ءَ نگرانی ءَ کنگ ءَ آں۔ ما گپ آنی سر ءَ ناں بلکینگ ءَ کار ءِ سر ءَ دل یکیمی داراں۔ مزن وزیر ءَ گوشت کہ ما وتی توامیں ازمکاری ءُ کوشست آناں جاڑی داراں، سرجمیں پاکستان ءَ سیلاپ ءَ چہ بیران بوھوکیں 10 لکھ کلدار، ھمک ھاندان ءَ را 25 ہزار ھمک مردم دیگ بوھگ ءَ انت ایشی ءِ واستہ 28 ارب کلدار گیشینگ بوتگ، این ڈی ایم ا ے ، اے بھر ءُ بانگ ءِ زمہ وار انت۔ مزن وزیر ءَ گوشت کہ ایشی ءَ ابید کشار ءُ گس آناں رستگیں تاوان آنی سروے کنگ بوھگ ءَ انت ایشی ءِ بھر ءُ بانگ ءَ چہ پد صوبگ آنی گوما یکجائی ءَ ننداں۔ اے کدرتی آپت الم بوتگ انت بلے اے گوشگ بہ بیت کہ اے کُجے پالیشی انت کہ کور ءِ توک ءَ ہوٹل ءِ جوڑ کنگ بہ بیت، ایشی ءِ اجازت کئے ءَ داتگ، وتی دل ءِ سر ءَ دست ءَ ایر بکن ات ءُ بہ گُش ائیت کہ کور ءَ کروڑانی کلدار ءِ جوڑیشت کنگ بی بوتیں یا اِناں، اے ایراد ءِ نہ اِت بلکینگ ءَ اے ازمت ءِ وھد انت، سیاست وتی وھد ءَ کناں پدا ھم اے جوڑیشت مہ بوتین اتنت۔ مزن وزیر ءَ گوشت کہ سرجمیں پاکستان ءَ سیلاپ انت، کوہی دمگ آنی آپ جھل کپتگ پدا ھم میدانی دمگ آنی تہ ءَ آپ انگت اوشتاتگ، اربانی کلدار ءِ کشار تباہ بوتگ انت، پدا ھم گڈی مردم ءُ گس ءِ آسودگی ءَ تاں آرام ءِ دل ءَ نہ ننداں۔
