آئی ایم ایف پروگرام نا بحالی آن ملک انا زرگزران ءِ سوگوی ملک، چوہدری سالک حسین

اسلام آباد۔ 31 اگست (اے پی پی) بنجائی وزیر زرکاری بورڈ چوہدری سالک حسین پارینے کہ آئی ایم ایف پروگرام نا بحالی آن نئے بیرہ ملک انا زرگزران ءِ سوگوی ملک بلکن پاکستان نا زرگزرانی وڑاٹ خواتہ مننگ نا خطرہ ہم چٹانے۔ چارشنبے نادے آ تینا بیان اٹی اوپارے کہ نن اللہ رب العزت نا شکر ءِ ادا کینہ ہرا ننے اسہ بھاز مشکل ءُ امتحان اسے ٹی سرسہب کرے۔ مسکوہی حکومت نا غلط زرگزرانی پالیسی و آئی ایم ایف  تون کروک آ  وعدہ خلافی تا سوب آن دا پروگرام نا گرج پیش بسنے۔ داسہ ننا مچ آ چکار زرگزرانی خود انحصاری آ ٹے و وزیراعظم سنبرینگوک  ءِ کہ انشاء اللہ دا پاکستان کن آئی ایم ایف نا آخیریکو پروگرام مریک و انشاء اللہ نن آئی ایم ایف ءِ خیرباد پاننگ اٹ سرسہب مرینہ۔