ساڑی آ پِر و نوکاپ آن زہمی علاقہ و الس نا کمک و بحالی کن حکومت پبی گام گیج کننگ ءِ،بنجائی وزیر اقتصادی امور سردار ایاز صادق

اسلام آباد۔ 31 اگست (اے پی پی) بنجائی وزیر اقتصادی امور سردار ایاز صادق پارینے کہ ساڑی آ پِر و نوکاپ آن زہمی علاقہ و الس نا کمک و بحالی کن حکومت پبی گام گیج کننگ اٹی ءِ۔ اوداہیت ءِ چارشنبے نادے آ داڑے پیشن نا کمکاری آن بر جا ڈٹ آتے ساڑی آ پِر و نوکاپ آن مروک آ نسخان تا بنائی جاچ دیوان نا کماشی ءِ کرساپارے۔ بنجائی وزیر ءِ ملک انا چندی بشخ آتیٹی ساڑی آ پِر و نوکاپ آن پیشن نا کمکاری اٹ چلینگوک  آ ڈٹ آتے مروک آ نسخان تا بارواٹ حوال تننگا۔ دیوان اٹی دا ڈٹ آتے ملوک آ نسخان نا بنائی جاچ ءِ ہلنگا۔