وزیراعظم شہباز شریف یکجہتی نا درشانی ءِ کننگ نا کلہو آ سوئٹزرلینڈ انا صدر نا منت واری ءِ ہرفے

اسلام آباد۔ 31 اگست (اے پی پی) وزیراعظم شہباز شریف مشکل وخت اٹی پاکستان نا الس تون یکجہتی نا درشانی ءِ کننگ نا کلہو آ سوئٹزر لینڈ نا صدر اگنازیوکاسس نا منت واری ءِ ہرفینے۔ چارشنبے نادے آ تینا ٹویٹ اٹی وزیراعظم پارے کہ او سوئس صدر نا کنڈآن سوئس چاہندار آتا انسانی ہمدردی نا بنداو آ درکار امداد نا کساس ءِ خلنگ کن سوئس ٹیم اس گدریفنگ نا جوزہ نا ستاءِ کینہ۔